هو في إيه يا جماعة إحنا اتفرجنا على حفلة افتتاح ولا على فيلم خيالي متصور من كوكب الحضارة؟!
المتحف المصري الكبير مش اتفتح بس ده مصر فتحت التاريخ بنور وصوت ومزيكا
أول لقطة مسلة رمسيس اتنورت والمسلات اللي اتسرقت مننا في أوروبا نورت بعدها كأنها بتسقف للأصل يعني بالبلدي كده اللي علمكم النور لسه موجود
الرئيس طلع اتكلم بمنتهى الهدوء وقالها كده صريحةإحنا أول دولة في التاريخ وأول جيش وأول دستور وأول سلام
العالم كله وقف يسمع ومصر واقفة بتقول “اتكلموا بعدييين او يابعده ياحمقى او يارعاة الغنم لو عندكم تاريخ.”
السوبرانو صوتها كان تحفة بتحكي إن مصر أول من زرع وابتكر الطب والهندسة والفلك والفيزياء ود.مجدي يعقوب دخل بالكلمة اللي خلتنا نرفع راسنا أول جراحة دقيقة في التاريخ؟ المصري القديم عملها من ٥ آلاف سنة!”يعني حتى الطب عندنا مش بس علم ده وراثة فرعونية.
ولما جت فقرة العازفين؟
كل واحد بيعزف في بلده باريس، لندن، نيويورك، ريو… وفجأة لقيناهم كلهم واقفين قدام الأهرامات بيعزفوا سوا!
اللي حصل كان كأنه العالم بيقول مفيش مزيكا تكمل غير لما تتعزف من مصر.
ببساطة كده حفلة علمت الكوكب يعني إيه حضارة وخلّت الدنيا كلها تقول يا نهار أبيض على مصر دي لسه بتفاجئنا كل يوم
